مستشارك الاقتصادي

دعاء

دعاء .. ما من مسلم تصيبه مصيبة فيقول كما أمره الله إنا لله وإنا إليه راجعون، اللهم أجرني في مصيبتي واخلف لي خيراً منها إلا أخلف الله له خيراً منها (رواه مسلم632/2) دعاء الهم والحزن .. ما أصاب عبداُ هم و لا حزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحاً رواه أحمد وصححها لألباني.لكلم الطيب ص74 اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ". كان رسول الله صلى الله عليه وسلم يكثر من هذا الدعاء دعاء الغضب .. أعوذ بالله من الشيطان الرجيم رواة مسلم .2015/4 دعاء الكرب .. لاإله إلا الله العظيم الحليم ، لاإله إلا الله رب العرش العظيم ، لاإله إلا الله رب السموات ورب العرش الكريم متفق عليه قال صلى الله عليه وسلم دعاء المكروب : اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً صحيح . صحيح سنن ابن ماجه(959/3) قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له . صحيح .صحيح الترمذي 168/3 دعاء الفزع .. لا إله إلا الله متفق عليه ما يقول ويفعل من أذنب ذنباً .. ما من عبد يذنب ذنباً فيتوضأ فيحسن الطهور ، ثم يقوم فيصلي ركعتين ، ثم يستغفر الله لذلك الذنب إلا غُفر له صحيح صحيح الجامع 173/5 من استصعب عليه أمر .. اللهم لا سهل إلا ما جعلته سهلاً وأنت تجعل الحزن إذا شئت سهلاً رواة ابن السني وصححه الحافظ . الأذكار للنووي ص 106 ما يقول ويفعل من أتاه أمر يسره أو يكرهه .. كان رسول الله عليه وسلم إذا أتاه أمر ه قال :الحمد لله الذي بنعمته تتم الصالحات و إذا أتاه أمر يكرهه قال : الحمد الله على كل حال صحيح صحيح الجامع 201/4 كان النبي صلى الله عليه وسلم إذا أتاه أمر يسره أو يُسر به خر ساجداً شكراً لله تبارك وتعالى حسن . صحيح ابن ماجه 233/1) مايقول عند التعجب والأمر السار .. سبحان الله متفق عليه الله أكبر البخاري الفتح441/8 في الشيء يراه ويعجبه ويخاف عليه العين .. إذا رأى أحدكم من نفسه أو ماله أو أخيه ما يعجبه فليدع له بالبركة ، فإن العين حق صحيح. صحيح الجامع 212/1.سنن أبي داود286/1 . اللهم اكفنيهم بما شئت رواه مسلم 2300/4 حاب ، وهازم الأحزاب ، اهزمهم وانصرنا عليهم رواه مسلم 1363/3 دعاء صلاة الاستخارة .. قال جابر بن عبدالله رضي الله عنهما : كان رسول الله صلى الله عليه وسلم ، يُعلمنا الاستخارة في الأمور كلها كما يعلمُنا السورة من القرآن ، يقول : إذا هم أحدكم بالأمر فليركع ركعتين من غير الفريضة ، ثم ليقل : اللهم إني أستخيرك بعلمك ، و أ ستقدرك بقدرتك ، وأسألك من فضلك العظيم فإنك تقدِرُ ولا أقدِرُ ، وتعلم ولا أعلم ، وأنت علام الغيوب ، اللهم إن كنت تعلم أن هذا الأمر -يسمي حاجته - خير لي في ديني ومعاشي وعاقبة أمري - أو قال : عاجلة و اجله - فاقدره لي ويسره لي ، ثم بارك لي فيه ، وإن كنت تعلم أن هذا الأمر شر في ديني ومعاشي وعاقبة أمري - أو قال : عاجله و أجله - فاصرفه عني واصرفني عنه ، واقدر لي الخير حيث كان ، ثم أرضني به رواه البخاري146/8 كفارة المجلس .. من جلس في مجلس فكثر فيه لغطه ؟ فقال قبل أن يقوم من مجلسه ذلك : " سبحانك اللهم وبحمدك ، أشهد أن لا إله إلا أنت أستغفرك وأتوب إليك . إلا غفر له ما كان في مجلسه ذلك . صحيح. صحيح الترمذي 153/3 دعاء القنوت .. اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي و لا يقضى عليك ، إنه لا يذل من واليت ، تباركت ربنا وتعاليت صحيح. صحيح ابن ماجه 194/1 اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك " صحيح. صحيح ابن ماجه 194/1 اللهم إياك نعبد ، و لك نُصلي ونسجد ، وإليك نسعى ونحقدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك . وهذا موقف على عمر رضي الله عنه . إسناد صحيح . الأوراد171/2-428 مايقال للمتزوج بعد عقد النكاح .. بارك الله لك ، وبارك عليك ، وجمع بينكما في خير صحيح. صحيح سنن أبي داود 400/2 اللهم بارك فيهما وبارك لهما في أبنائهما رواه الطبراني في الكبير وحسنه الألباني. آداب الزفاف ص77) على الخير والبركة وعلى خير طائر رواه البخاري 36/7 ( طائر : أي على أفضل حظ ونصيب ، وطائر الإنسان : نصيبه) ما يقول ويفعل المتزوج إذا دخلت على زوجته ليله الزفاف يأخذ بناصيتها ويقول : اللهم إني أسألك من خيرها وخير ما جلبت عليه وأعوذ بك من شرها وشر ما جُلبت عليه حسن . صحيح ابن ماجه 324/1 الدعاء قبل الجماع .. لو أن أحدكم إذا أراد أن يأتي أهله قال : بسم الله ، اللهم جنبنا الشيطان وجنب الشيطان ما رزقتنا ، فإنه يقدر بينهما ولد في ذلك لم يضره شيطان أبداً متفق عليه الدعاء للمولود عند تحنيكه .. كان رسول الله صلى الله عليه وسلم ، يؤتي بالصبيان فيدعو لهم بالبركة ويحنكهم صحيح . صحيح سنن أبي داود 961/3) (التحنيك : أن تمضغ التمر حتى يلين ، ثم تدلكه بحنك الصبي) ما يعوذ به الأولاد .. أعوذ بكلمات الله التامة ، من كل شيطان وهامه ، وكل عينِ لامه رواه البخاري الفتح 408/6 من أحس وجعاً في جسده .. ضع يدك على الذي تألم من جسدك وقل : بسم الله ، ثلاثاً ، وقل سبع مرات : أعوذ بالله وقُدرته من شر ما أجد وأحاذر رواه مسلم1728/4 مايقال عند زيارة المريض ومايقرأ عليه لرقيته .. لابأس طهور إن شاء الله رواه البخاري 118/4 اللهم اشف عبدك ينكأ لك عدواً ، أو يمشي لك إلى جنازة صحيح . صحيح سنن أبي داود 600/2 مامن عبد مسلم يعود مريضاً لم يحضر أجله فيقول سبعة مرات : أسأل الله العظيم رب العرش العظيم أن يشفيك إلا عوفي صحيح . صحيح الترمذي 210/2 بسم الله أرقيك من كل شئ يؤذيك ، من شر كل نفس ، وعين حاسدة بسم الله أرقيك ، والله يشفيك صحيح . صحيح الترمذي 287/1 أذهب الباس ، رب الناس ، إشف وأنت الشافي لاشفاء إلا شفاء لايُغادر سقماُ رواه البخاري الفتح 131/10 تذكرة في فضل عيادة المريض .. قال صلى الله عليه وسلم : إن المسلم إذا عاد أخاه لم يزل في خرفة الجنة صحيح. صحيح الترمذي 285/1 قيل ما خُرفة الجنة ؟ قال : جناها . وقال صلى الله عليه وسلم :" مامن مُسلم يعود مُسلماً غُدوة ، إلا صل عليه سبعون ألف ملكِ حتى يُمسي ، وإن عاده عشيةَ إلا صلى عليه سبعون ألف ملكِ حتى يُصبح وكان له خريف في الجنة صحيح . صحيح الترمذي 286/1 مايقول من يئس من حياته .. اللهم اغفر لي وارحمني وألحقني بالرفيق متفق عليه اللهم الرفيق الأعلى رواه مسلم1894/4 كراهية تمني الموت لضر نزل بالإنسان .. لايدعون أحدكم بالموت لضر نزل به ولكن ليقل : اللهم أحيني ماكنت الحياة خيراً لي ، وتوفني إذا كانت الوفاة خيراً لي متفق عليه من رأى مببتلى .. من رأى مُبتلى فقال : الحمد لله الذي عافاني مما ابتلاك به ، وفضلني على كثير ممن خلق تفضيلاً لم يُصبه ذلك البلاًء صحيح. صحيح الترمذي 153/3 تلقين المحتضر .. قال صلى الله عليه وسلم : لقنوا موتاكم قول : لاإله إلا الله رواه مسلم 631/2 من كان آخر كلامه لاإله إلا الله دخل الجنة صحيح . صحيح سنن أبي داود 602/2 الدعاء عند إغماض الميت .. اللهم اغفر ( لفلان) ورفع درجته في المهديين واخلفه في عقبه في الغابرين واغفر لنا وله يارب العالمين وافسح له في قبره ونور له فيه رواه مسلم 634/2 مايقول من مات له ميت .. مامن عبد تصيبه مصيبة فيقول :" إنا لله وإنا إليه راجعون، اللهم أجرني في مُصيبتي واخلف لي خيراً منها . إلا آجره الله تعالى في مصيبته وأخلف له خيراً منها رواه مسلم 632/2 الدعاء للميت في الصلاة عليه .. اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ( ومن عذاب النار ) رواه مسلم 663/2 اللهم اغفر لحينا وميتنا ، وشاهدنا وغائبنا ، وصغيرنا وكبيرنا ، وذكرنا وأُنثانا ، اللهم من أحييته منا فأحييه على الإسلام ، ومن توفيته منا فتوفه على الإيمان ، اللهم لاتحرمنا أجره ولاتضلنا بعده صحيح. صحيح ابن ماجه 251/1 اللهم إن فلان بن فلان في ذمتك ، وحبل جوارك فقه من فتنة القبر وعذاب النار ، أنت الغفور الرحيم صحيح . صحيح ابن ماجه 25/1 اللهم عبدك وابن عبدك وابن امتك إحتاج إلى رحمتك ، وأنت غني عن عذابه ، إن كان مُحسناً فزده في حسناته ، وإن كان مُسئاً فتجاوز عنه واه الحاكم ووافقه الذهبي . انظر أحكام الجنائز للألباني ص159 وإن كان الميت صبياً .. اللهم أعذه من عذاب القبر حسن . أحكام الجنائز للألباني ص161. اللهم اجعله فرطاً وسلفاً ، وأجراً موقوف على الحسن - البخاري تعليقاً عند ادخال الميت القبر .. بسم الله وبالله ، وعلى ملة رسول الله ( أو على سُنة رسول الله ) صحيح. صحيح الترمذي 306/1 مايقال بعد الدفن .. كان النبي صلى الله عليه وسلم إذا فرغ من دفن الميت وقف عليه فقال :" استغفروا لأخيكم وسلوا له التثبيت فإنه الآن يُسأل صحيح . صحيح سنن أبي داود 620/2 دعاء زيارة القبور .. السلام عليكم أهل الديار ، من المؤمنين والمسلمين ويرحم الله المُستقدمين منا والمستأخرين وإنا ، أن شاء الله بكم للاحقون رواه مسلم 671/2 دعاء التعزية .. إن لله ماأخذ وله ماأعطى . وكل شئ عنده بأجل مُسمى ...فلتصبر ولتحتسب متفق عليه

خدماتـنـا الاستشارية الاقتصادية

*اعداد ومراجعة دراسات الجدوى الاقتصادية لجميع انواع المشاريع و متابعة الاشراف على تنفيذها حسب الطلب

*تقديم الاستشارات المالية والتجارية والعقارية والاستثمارية في جميع المجالات محليا و دوليـا

*تكوين محافظ الاستثمار في الاسهم المحلية والدولية ومتابعتها او الاشراف علي تداولاتها لسيدات ورجال الاعمال

*دراسات تكوين الشركات التجارية وتطويرها او تحويلها الى شركات مساهمة عامة بهدف طرح اسهمها في اسواق المال

*تمثيل سيدات ورجال الاعمال في جميع المفاوضات والاجتماعات التي تخص اعمالهم او مشاريع مؤسساتهم او شركاتهم سواء في مراحل التكوين او التشغيل او التطوير مع المحافظة علي سريتها

*العمل وكيلا مفوضا لسيدات ورجال الاعمال في ادارة عقاراتهم او شركاتهم او اموالهم بكل دقة وامانة وموضوعية

*المحافظة علي اسرار العميل عند تقديم الاستشارة او بعدها

*نقدم الاجتماع الاول مجانا لأي عمل من الاعمال السابقة

الأحد، 17 مارس، 2013

منتهى البجاحة الإعلامية !!!

هو رجل عرفته من زمان بدماثة الخلق والإتزان..يكتب ويناقش بموضوعية وحيادية..من رواد هذا العصر والزمن الجميل..شاهدته اول من امس علي قناة من قنوات النيل يتحدث في عدد من الموضوعات عن الحال والأحوال هناك - اعانهم الله - وكان يتكلم بقوة وبحنكة سياسية حديثة ومعاصرة..جلست استمع اليه لعلي استفيد..وكان النعاس يغالبني واغالبه..الي ان بدأت المذيعة التي تحاوره حديثها معه في الاقتصاد..ومن هنا لهنا..وصلنا الي الروشته الاصلاحية اللي يقترحها لعلاج الاوضاع..الي ان وصل الي بند الحج والعمرة..حيث قال انه يجب تقنين الذهاب الي السعودية بغرضي الحج والعمرة وترك الفرصة للغير..وكفاية مرة واحدة..دحنا بندعم السعودية بذهابنا للحج والعمرة....بالملايين...وتاني يوم بنروح نشحتهم ثاني..هذا الأهبل..تناسى ان شركات السياحة والطيران عندهم هي المستفيد الاكبر وأن السعودية لايدخل خزينتها مليما واحدا لامن حج..ولامن عمرة..واسألوا ارباب الطوائف او اسألوا القادمون من عندهم واللي بيصرفوا مئات الملايين علي العيش والجبنة والجرجير والبصل اثناء اقامتهم هنا..واذاكان العملية عملية دعم فنحن بندعمهم من ايام الملك فاروق او يمكن من ايام الخديوي عباس او الأهبل ابوه...عيب هادا الكلام..طيب احد ضربكم تتنيلوا وتيجوا..انتم بتيجوا عشان الأجروأداء المناسك وإكمال دينكم...وتقفوا طوابير ...ودنيا مقلوبة...عشان شعائر اسلامية تبذلون فيها الغالي والنفيس...وليس لدعم السعودية..انني استغرب زج البعض بإسم بلدنا الغالي ظلما وبهتانا...أمثالكم يامحترم...إما ناقم..لأنه جاء واعتمر اوحج...وصعب عليه ما انفقه في سبيل الله..أو إنه أهبل...إعتقد أن بكلامه هذا سوف يحصل علي بعض او كل ما انفقه علي الحج او العمرة كبقشيش او هدية عشان يتكتم او يصمت...احنا مانبغي نقول له يحنن..او نقول له فوت بكره..اونقول له..ياكداب..ياحسن فلت..نبغي نقول له عيب..إختشي...إتلم .

الاثنين، 18 فبراير، 2013

مقاولين بنشر...لشوارع جـدة !!

اجمل مافي السنوات الخيرة لشوارع جـدة انها تشهد برطعة كل العاملين في شوارعها بهدف إصلاحها...أقصد تدميرها وتشويهها والإنتقام منها بعد ان كانت فعلا عروس البحر في زمن المهندس الفارسي عاشق جـدة الله يذكره بكل خير...والاشياء اللي بتصير لايمكن ان يصدقها عاقل او حتي مجنون ولا شاطر او بليد ولاجدع او عبيط..حاجة مش معقولة...طيب ليش ما نقشع كل الاسفلت اللي في جدة..وبعدين نعمل كل شيء وبعدين نردم..وبعدين نسفرهم كلهم..وبعدين نرحل المخالفين والمتخلفين وبقايا العمرة والزوار والحجاج...اللي زي الشبطة..شبطت بينا..ومش راضية تفكنا من شرورها..وياريتها نظامية.. بس عشان تخف الزحمة الكدابة هادي . وعشان نعيش في سعادة .....وانا ماشي شفت راعي بنشر وامامه كوم من الدمار ...فافتكرت ماذا كان يفعل هذا البنشري في زبائنه من زمان حتي الآن؟ ...يكون عنده زبون بيصلح له الكفر او بيغير له زيت السيارة ...ومن اول ماييجي زبون تاني يسيب كل شيء..ويجري اليه مرحبا به..وقبل مايقول الزبون ايش يبغي...يكون بدأ في فك واحد من الكفرات عشان مايقدر يسيبه ويمشي ..بعدين يسأله ايش تبغاني اخدمك ؟...طيب ليش فكيت الكفر ...عشان شايفه محبل..وهادا خطر عليك وعلي السيارة...شوف...شوف ..ويطبل له علي الكفر...ويقول له بس عشان نتأكد..طيب يا الله بس بسرعة...طيب بس دقيقتين..ويروح ويغيب عنه...وشوية وييجي زبون تاني..نفس الكلام..نفس المنظر...نفس القرف اللي نشوفه كل يوم فك كفر ...وسيب الزبون ينفلق..لأنه ما ح يقدر يمشي..وضمنا المصلحة..وهادا حالك ياجدة ..كلهم ..صاروا رعاة بنشر...حط الدشم...حط لمبات...حط شبكات حمراء..لفها علي الدشم كويس...لمسافة اتنين او تلاتة كيلو...ثم أفرك..إجري..أهرب..خليهم يتعذبوا...تاني يوم علي طول هاديك المسافة كلها ارسل واحد او اتنين من ماركة ابو بنقلة...ديش...قال ايه بيشتغلوا...والسيارات..طاط..طيط...طوط..وزحمة وعذاب...مش في شارع واحد...بل في كل الشوارع....وطلع نأبنا علي شونه...تبغي تشوف النأب والشونة ..انزل خد لك لفة في شوارع جدة ...تكره نفسك وتندم إنك خرجت من بيتك ....الغلط .. مو منهم مساكين..كوني..وكومار..ولا من مقاولي الشؤم حقون البنشر..يمكن أضر....الغلط في اللي قبل بهم كمقاولين مؤهلين..وسلمهم الأمانة..وهما لا خبرة...لا اخلاص...لا إجادة...لا مصداقية...ومين اللي بيتعذب من كل اللي بنشوفه في شوارع جدة كل يوم...بالطبع نحن...اللي عايشين علي أمل...بمراقبة ومتابعة جادة من الجميع .....فضوها سيرة!!

الأحد، 17 فبراير، 2013

الفنان ابوبكر سالم..ثروة وطنية نادرة !!

امتعنا الفنان الكبير ابو بكر سالم الاسبوع الماضي من تلفزيون دبي بحلقة جميلة عرضت لنا فن الزمن الجميل الذي كان يصول فيه ويجول مع رواد بل عظماء الفن السعودي الراقي التراثي الاصيل الذي يلهب حواسنا وجوارحنا بالحب والعطف والحنان والشوق لهذا الوطن الجميل الغالي الذي ننتمي اليه ، وكانت اغانيه يا طائرة طيري ، ويامركب هوانا..وعادت علينا ليالي جميلة..وغيرها كانت قمة من قمم الاغاني التراثية وكانت تقف شامخة مع الاغاني الاخري للمرحوم الفنان طلال مداح ، وفنان العرب محمد عبده واغانيهم الجميلة..لنا الله..ولاتناظرني بعين..وايوه...والتي كانت معبرة عن عمق الاصالة والحب في قلوب من كتبوها و لحنوها ...كنا نسمع مايطلبه المستمعون كل يوم الساعة الخامسة وكان معانا العزيز الغالي حسين نجار..اللي كنا نترجاه يذيع هذه الاغاني اللي نحبها في برنامجه الناجح جدا جدا مايطلبه المستمعون..وكنا نهديها الي الاهل والاصدقاء والاحباء...كانت قلوبنا توجوج وتتشعلل بالحب..كنا نحب كل شيء حولنا..كنا نعيش في تفاؤل..وكنا زي المركب...مايهزك ريح... وكنا نروح الحرم وندعي ان يديم علينا نعمته ويزيد حبنا وتفاؤلنا..وكانت احسن دعوة بيننا..روح الله يزود حبي في قلبك ...وهكذا... وفي الليل تكمل ..او تجهز علينا الفنانة العظيمة أم كلثوم رحمها الله..برجعوني عينيك..وياحبيبي تعالي..وسيرة الحب.....وكنا نعمل سهرة كل يوم خميس عشان نسمعها...ونطير..نطير معاها..ونحن سعداء...الي ان طرنا الي امريكا...هناك كل شيء جد في جد...في قلبك حب..خليه علي جنب..ذاكر..ادرس..افلح..اشتغل عشان ترجع مرفوع الرأس...وتخدم بلدك..وإلا يتقفل ملفك..وترجع يابعيد...خيبان..كنا نحب نشوف الطيارة ونحلم باليوم اللي ح ناخدها ونرجع لأهلنا في بلدنا...وكنا نردد مع ابوبكر...ع البعد ماقدرش انا..انه فعلا ثروة وطنية تراثية كبيرة عاشت كلماته في وجداننا في الغربة الأمر الذي خفف عنا قسوة الحياة فيها..وأعادنا رجالا ...متعلمين ومثقفين...واكثر شيء تأصل في نفوسنا حب الوطن..وهو حب جميل وعزيز وغالي...وله طعم..أحلي طعم.. وأجمل مذاق....حبوا وطنكم وافتخروا..به...وفاخروا به...فقد..كنتم خير أمة أخرجت للناس .

الثلاثاء، 12 فبراير، 2013

إيش رأيك في المستشفي بتاعتي ؟

كنا مع بعض ندرس في امريكا ولما رجعنا ما تقابلنا الا بعد فترة...وقال لي انه صار يملك مستشفي..وبعد كام يوم اتصل بي وقال تعالي عايزك..هو يتكلم زيى...عربي مشكل...روحت له..طلب مني ان ازور المستشفي واعمل عليها تقييم..او بالأصح تقويم...واتفقنا علي ان يتم التقييم في عشرة ايام وعلي شرط ما احد يعرف عن المهمة..روحت وبدأت...وتفقدت كل الاقسام والغرف الاجهزة ...هي مستشفي وسط حوالي مية غرفة او اكثر بقليل...كل شيء كويس...حاولت الآقي اي ملاحظة جوهرية او اساسية...بصراحة..مالقيت...وكان دايما يسألني..هل لاحظت اي شيء ؟..كنت اقول له اصبر. حتي جاء يوم الخميس وكان باقي لي يومين وتنتهي المهمة....وجئت بعد العصر في ركن جنب محطة هيئة التمريض وكنت شايف الحركة بتاعت خمسة اقسام منها قسم المواليد الجدد...محتار اكتب ايه لعمنا ؟..وشوية وأشوف عدد كبير من الزوار داخلين لأن الزيارة قد بدأت...وعينك ما تشوف الا النور ياباشا...ارتال ارتال من الناس..دلال قهوة...ورود...حلل..زنابيل...تباسي اكل...كأننا في مهرجان...هجوم ضاري علي المرضي المنومين...واحد جايب معاه ستة اولاد عشان يشوفوا الضيف الجديد اللي اتولد في المستشفي ..وواحد ماشي وراه اثنين بنغالة شايلين شيل كلها اكلات ومكسرات ومنتو وفرموزة ويغمش لأن المحروس او المحروسة اللي متنوم إشتهي يأكل هذه الأكلة...خاصة إذا كانت مظبوطة زي اهلها لما يسووها..انا شخصيا احبها خاصة اليغمش ...لكن مايكون بصله كتير...بدأت الاحظ غضب وعصبية الممرضات..علي هذا الحشد من البشر اللي متكوم فوق بعضه في غرفة صغيره...وجالسين ساعات طويلة..خاصة اللي جايين من المدن القريبة...وهاتك ياهروج..ونكت..وكلام..قال ايه ؟ عايزين يسلوا المريض عشان مايطفش...الممرضة بتقول لزميلتها انها ماعرفت تاخد الضغط والحرارة حقت المريض بسبب الزحمه...والتانية بتحكي لها عن الكلام المعسول اللي بتسمعه مننا..احنا كيوت قوي..وأن السعوديين لطاف وعاطفيين معانا خالص....بس ما يحترموا خصوصيات المريض..بعض الزوار عايز يشوف العملية وكيف حالها وأين موقعها وبعضهم عايز يحط اصباعه علي الجرح عشان عايز يشعر بعظمة الخالق العظيم والمعجزة التي ستحدث بعد ان يشفي الله المريض !! يوضع سره في اضعف خلقه..والتاني جالس يتلو القرآن وينفخ علي النونو عشان تحل عليه البركة..والتالته مصره علي تسقيف النونو...وهي عملية صعبة حيث يتم تعليق النونو من حلقه علي الاصباع الكبير عشان يتحنك...ويصير صوته حلو زي صوت كاظم الساهر او الجسمي اللي عمل روجيم قاسي جدا.... وخس...لكنه صار مو حلو...شكله وحش..كأنه في الستينات....المهم إستمر هذا الحراج..حراج الزيارات في المستشفيات..الذي يشمل ايضا العناية المركزة..والمتحفظة..والمحرمة..والمحظورة ...لاحظت مافي احد جايب كتاب معاه هدية للمريض او كرت فيه تمنيات طيبه او ايه كريمه..كله إما أكل أو ورود فخمة جدا من أم ألف فأكثر عشان يقول للمريض إنتا غالي علينا !!.طيب جيب شيء يفيده ويسليه في وحدته بعد ماتنتهي الزيارة..كمان لاحظت ماحد جلس في الزيارة اقل من ساعة..ومعظم اللي كانوا ييجوا لما يمشوا يسيبوا اولادهم..حتي يخلصوا شغلهم ويمروا عليهم ياخدوهم .. وهما مروحين.. المهم...اعتقد ان جميع المستشفيات تعاني من هذه المشاعر الحميمة الصادقة الطيبة..لكن يجب ان لاتكون بالشكل ده..علي رأي الاغنية ما تحبنيش بالشكل ده.. اما عن المرضي المنومين علي حساب التأمين..حدث ولا حرج...عايز قبل مايروح البيت يطهر الولد..او يخرق أذن البنت...والهوا هواه يأخذ شوية عفش من بتاع المستشفي ..أو يعمل السابع والعقيقة في المستشفي علي حساب التأمين قبل مايروح البيت ببركة قدوم المولود ربي يحفظه. وكان بيتخانق مع موظف الإستقبال اللي اعتذر له بمداعبة وقال له : مش للدرجة دي حضرتك... دحنا لازم نتحمل شوية كمان..المهم خلصت وكتبت تقريري...اللي عجب عمنا..لكنه ما انبسط..قلت له..ليه ؟..قال تبغاني اخسر...وافقد كل هادول الزباين...المستشفي عايشه ومزدهره علي حس وبركة كل اللي شفته وكتبته..وهادي هي عاداتنا وتقاليدنا وطقوسنا في زيارة المريض...قلت له حاول تسوي سيستم..قال مستحيل..لأن ثقافة زيارتنا للمريض تبدأ وتنتهي هكذا ...تبغاني اقعد انا وهادول الدكاترة وهيئة التمريض نقعد ننش دبان...قلت له نحاول...قال ان شاء الله...وخرجت من المستشفي..وانا مغادر شوفت كشك شركة قهوه مشهوره اول حرف من اسمها...ستار..في الدور الارضي وامام المدخل الفخم...والكل قاعد يشرب قهوة ويمضغ في الدونات والكرواسون والكيك..احنا نسميه كماج...وعشتي عشتي يابلادي ياعظيمة ياللي عيشة الحرية فيكي مية مية ، ودمتم !

الاثنين، 11 فبراير، 2013

فاروق صالح الخطيب: التنحي الصوري !!

فاروق صالح الخطيب: التنحي الصوري !!: يعز علينا جميعا ان يمر عامان علي تنحي النظام السابق ورئيسه بمصر..ونحن نعيش في مرحلة حوار الطرشان بين الحزب الحاكم والمعارضة والشعب المغلوب ...

السبت، 9 فبراير، 2013

صوت اكاديمي: مشيتوا.....وجاء وا...البنغالة !!

صوت اكاديمي: مشيتوا.....وجاء وا...البنغالة !!: سمعت خبر غريب هذا الاسبوع وهو ان احدي الجامعات السعودية تعاقدت مع دكتور من بنغلاديش لكي يعلم اولادها بعض العلوم الاجتماعية...المسئولين في ...

الجمعة، 8 فبراير، 2013

أنا جيعان....عايز آكل !!

الظاهر ان عمنا الشيخ المحترم الجليل اللي راح هناك وطلع علي المنبر وقعد يدعي ادعية اقتصادية مؤثرة لنا ولهم ..وكنا نحن هنا نقول معاه امين ..امين..من كل قلوبنا..لعلنا نحظي ببركة الدعاء مثلهم...انا اعتقد ان هذا الشيء كان حلو وجميل ويشكر عليه شيحنا الجليل الفاضل..وقد فسره الكثيرون بأن الاسلام وحد قلوبنا وان شيوخهم بيجوا عندنا مثلما شيوخنا بيروحوا لهم ..الحمدلله..اما اخرون فقد فسروها بأن هذا الشعب العظيم صاحب اقدم وارقي حضارة لكن جماعته مش واخده بالها منه كويس ومشغوله عنه وعن رفاهيته وعن معيشته وهي في واد وهما في واد...لذلك ربما قرر سعادته وقال انا اروح هناك عندهم ادعي لهم حتي تأتي الاستجابة الالهية .....علي المحل اللي دعيت منه..اللهم ارزقهم وارزقنا..امين واغنيهم واغنينا...امين..بس الشعب كان يقول يا ايها الساسة سيبكم من هادا التناحر..انا الشعب جيعان ابغي اكل.اهتموا بي..يردوا عليه..اصل المجلس العسكري اجتمع مع المدني والاستشاري وقال له عيب مايصحش اني اقول لك صباح الخير بالعربي ترد علي بالفرنساوي..وبعدين لما سواق القطار عمل الحادثة وهرب عشان كده جات خالته هنا وعملت فينا العمايل ورد عليها حازم قال لها تعالي معايا اكتوبر دانا باشتغل حارس ل 25 يناير ونقدر نشوف لك حل يمكن يعتذر لك او نخلي صباحي يتوسط له ويقول له تاني مرة ح يقولها بالفرنساوي..اللي انا شخصيا ماعرفوش .يرد سواد الشعب العظيم.....بس حضراتكو انا جيعان تعبان مهدود ممصوص نفسي في صميطه مدوره...ها ها..انت قصدك إكورة..آه..آه احنا ح نرجعها بعد مايرجع شيكا ..ويروح تريكة...ويتراجع الحضري عن الاعتزال الدولي ..ويبطل زيدان يعمل حركات بعد مايسجل..توب سيكرت احنا يمكن نجيب جوزيه بدل ..برادلي .. اللي فضحنا بالهزائم السخيفة..دحنا منتخب قوي عظيم..بس دي حركات عيال...عيال..... يرد الفقير...والله عيالي ما ذاقو حلاوة المولد من المولد اللي قبل قبل اللي راح. يردوا عليه ...طيب طيب..بس لازم تعرف ان البرادعي لما رجع كان دايما يركب سيارة امريكي ويتكلم امريكي ويلبس امريكي دلوقت إتغير لأنه مش لاقي الا... صيني..الله يعينه..عشان كده اسس الجبهة دي بتاعته..هو وحازم لازم...يا اخوان با اقول لكم جوعان جوعان اهتموا بمشاكلي انا شعبكم انا منكم وانتو مني اتسامحوا و اتحدوا وسيبكم من الخلافات والاختلافات نحن بنزداد فقر..احنا مهددين اهتموا بينا كفاية شغل دساتير دا احسن دستور للانسان هو القران عشان اية تدوروا علي غيرو...ايوه حضرتك احنا فاهمين لكن لماكتبوا علي سور الاتحادية جبنا بشاورة كبيرة عشان نمسح التباشبر..تصور ان التباشير طلع امريكي اصلي زي اللزقة مايخرجش..تعرف ربنا ستر كان عمينا في جولة دولية بعتنا طيارة حداه جابت لنا مزيل امريكي لحقنا ونضفنا السور قبل مايرجع...اوكي..اوكي..بس انا جوعان غلبان وقاعد منتظركم اكثر من سنتين وانتم ما عملتوش حاجة..بس دا الدستور فيه بعض الامور زي اللي في 202 و 219 كده شوية نكد..نكد ايه حضرتك داحنا عندنا كازينوهات وابوشقرة وسيتي ستار وهايبر ون...وكمان دلوقت بنعمل تجارب علي الفيران عشان نخليها تولد كل سنتين مرة بدل 3 مرات في السنة وبكده ح نعيش قي سعادة. بعيد عن شرها ...يعني ح ناكل فيران..لا ياعبيط داحنا ح نبيعهم لكوريا عشان يعطونا سامسونج..وهما يبيعوها لتايلاند عشان يطبخوها هناك ويصدروها لجزر المالديف..وكده نعمل شوية دولارات حلوين...دولارات ايه انا جوعان انتو ماتفهموش..سايبيني وجالسين تهرجوا...تهريج ايه حضرتك دحنا خلصناه في ليلة...بيني وبينك هو جانا مكتوب بس احنا نشرب قهوة وشاي حتي قبل الفجر بشوية بعدين بدأنا نصوت..يالهوي..يالهوي...ياخرابي...يامصيبتي..واحد تخين قوي كان قاعد جنبي وكان من الفلول..ماكانش عارف يصوت إزاي لانه لما كان في الحزب كانوا ماعندهمش ديموقراطية زي محنا عندنا دلوقت..تعرف عمل ايه..كلم البيت يتصلوا بحانوتي العيلة...جم اربعة ندابات تخان اوي...ومن اول ما جوم....وحياتك اتنين يالهوي وواحدة ياخرابي...وافق المجلس والمية نفر علي قلب واحد. وبالاجماع ..لأن الصوات كان فيه بركة فصار عندنا دستور..واحدة من الندابات الريسة بتاعتهم كانت تخينة قوي قوي... طلبنا منها تتوصي حبتين اتوصت حبتين وصرخت يامصيبتي الحقونا...ياباشا في دقيقتين اعتمد هادا الدستوروراح للدستورية وجاء من هناك متصدق متختم بختم ابو نسر ختم مايخرش المية ..وحياتك ببركة هؤلاء الندابات اللي كانوا في لياقة و مود مرتفع. طيب طيب ...يعني مش ح تهتموا بينا يعني نموت في اياديكم وانتم بس تتخانقوا زي الديوك...لك الله ايها الفقير..ايها الباني للحضارات والامجاد العظيمة التي نشأت وانتشرت في ارض الكنانة العظيمة ثم الي بقية انحاء العالم بعظمتها وجمالها وعلومها واسرارها التي مازالت موضع حيرة اكبر العلماء واعظمهم حتي الان..بس ياريتهم يسمعوهم او يردوا عليهم السمع السليم والرد المناسب. وبدون بكش او همبكة.او يتناقشوا كويس مع بعض بصدق وبجدية لكي يسعدوا كل العرب والمسلمين ... لأن هادا الشعب شعب مصر ومصر هي ام العرب وليست اختهم .

الخميس، 7 فبراير، 2013

مالكم و مالنا ؟ سيبونا في حالنا !!

بعد الانتهاء من القمة جلس الريس نجادي كم يوم عشان يرتاح او يستجم او يشم هوا...لكن الاخوان هناك ما سابوه..وهاتك يا اجتماعات ومفاوضات ومؤتمرات...حلو كتير...لكن فوجئت في اخبار امس ان الاجتماع الان معقود مع الرئيس نجادي بحضور بشكة دكاترة متخصصين طبعا بدون الرئيس محمد مرسي او الدكتور قنديل لمناقشة الامور التي تخص كذا كذا ابتداءا من الطريق الي سوريا فلبنان فالبحرين فقطر..مرورا بالامارات...انتهاءا بمكة...ياصلاة النبي...طيب انتو مالكم ومال مكة...واحنا علاقتنا مع ايران احسن مايمكن...ومافيش مشاكل...وهذا شأن داخلي ليس من اللياقة او الكياسة او الرشاقة التحدث فيه ..ومن اعطاكم الاذن ؟ عيب يارجالة اختنا الكبيرة هذا التجاوز وهذا التدخل..واذا كان عندكم اي قدرة علي الحلول..حلوا مشاكلكم اللي كل يوم بنبكي عليها دم..الدم المصري الغالي والطاهروالشباب الورد والاطفال اللي بيموتوا في السكك الحديدية وامام السجون...عيب..تسيبوا كل هذه المشاكل وتقعدوا تنبشوا مع ايران...هو احد اشتكي لكم ؟ ثم انه لو عندنا معاهم مشاكل..عندنا اسود..ورجال اشداء واقوياء نقدر نحل معاهم مشاكلنا...وياما حلينا مشاكل وخلافات معاهم ومع غيرهم وغيرهم من ايام والدنا المؤسس طيب الله ثراه . ارجوكم ابتعدوا عن هذه الخطوط الحمرا اللي مش بتاعتكم...هل سمعتم اننا بصدد عمل مؤتمر لنصرة اهالي الشهداء في مصر..وارسال احتجاج للجماعة هناك نقول لهم كفاية..حرام عليكم موت ابناءنا الصغار اللي ماتوا بحادثة القطار..وماذا تم بشأنهم بعد استشهادهم؟..طبعا لا...لانه مش من شأننا...مثلما هو مش من شأنكم...ليش ماتكونوا دبلوماسيين وتقولوا ...لبحث الاوضاع في الشرق الاوسط او الاوضاع في المنطقة..الله يرحم د.محمود رياض..وغيره من الافذاذ المصريين اللي ضربوا الامثلة علي الاخلاق الحميدة والادب الجم والدبلوماسية الراقية...مش الدبلوماسية المتعجرفة ....اللي عايزه تشعللها.. شعللها...ولعها...ولعها ...يابابا خليكم في العموميات...ياريتنا نكون عاقلين !!

السبت، 2 فبراير، 2013

ماذا ننتظر إذن ؟

ظهرت في الأسبوع الماضي نتائج عدد من الدراسات واللقاءات وعلي رأسها توجيهات من المسئولين حول تخفيض منح تأشيرات الإستقدام وحول تخفيض عدد العمالة الأجنبية المقيمة والوافدة الي دول مجلس التعاون الي 20% فقط من سكان كل دولة من هذه الدول ، ثم توجيهات سامية بشأن توطين السعوديون في اعمال الشركات المتعاقدة مع الدولة بعقود عمل كبيرة بحيث يتم توظيف عمالة وطنية براتب شهري لايقل عن 3000 ريال ، وكذلك موافقة مجلس الشوري الموقر علي تأسيس هيئة عليا للمنشآت الصغيرة والمتوسطة ، وكذلك الموافقة السامية الكريمة بتكوين لجان عليا لمكافحة التستر التجاري علي ان تكون تابعة ومرتبطة بإمارات المناطق لإعطاءها قوة ومنحها الصفة التنفيذية التي تجعلها تمارس اعمالها بإتصال مباشر مع الحاكم الإداري للمنطقة بشكل مباشر لأنه من المعروف ان اصحاب السمو امراء المناطق هم اكثر رغبة وجدية في مكافحة جرائم التستر بكل انواعه والتي منيت بها بلادنا نتيجة الغزو الاجرامي لبعض الوافدين لنشاطنا الاقتصادي بلا هوادة ...أورحمة ، فلم يعتقونا ولم يخافوا ربنا في ممارساتهم من الاستثمار في الحمص والفصفص والسمسم والكركدية والدوم والسوداني...الي ابشع انواع الممارسات في بيع التأشيرات..والغزو المجتمعي لنا بحيث اصبح اولادنا وبناتنا..خارج نطاق العمل...او خارج نطاق الخدمة إن صح التعبير....كل هذه الجهود والنتائج التي ظهرت في الاسبوع الماضي تحتاج الي تحرك او الي تفعيل طالما ان ولاة الأمر قد اعطوا الضوء الأخضر لإنقاذ مايمكن إنقاذه...فلماذا لا نبدأ ؟ وماذا نحن منتظرون ؟ هل نحن في إنتظار المزيد من التدهور ؟ أم ننتظر أن نستأذن من دول الذين أضرونا بأننا سوف نفعل كذا وكذا وكذا بالمجرمين القادمين من عندكم ...فلتسمحوا لنا ؟ أم ننتظر الضوء الأخضر من عمانهم الذين ينطوا كل يوم بتصريح يحبذ تواجدهم بهذا الشكل الفوضوي بيننا ؟ والله..كفاية..جدا..والله ...حرام عليهم...يستبيحونا..بهادا الشكل !! دعونا نبدأ المكافحة وندافع بكل هدوء وبكل دبلوماسية وبدون صوت عالي او ضوضاء عن أنفسنا وعن حقوق اولادنا واحفادنا...وعن السعودية بلادنا...احلي واجمل واعطر واغلي وانعم بلد .

الثلاثاء، 29 يناير، 2013

إفتخروا ببلدنا !!

يعجبني كثيرا إفتخار اخواننا المصريين بالعزيزة الغالية مصر ومعاهم حق في ذلك لأنها تستاهل وتستاهل وتستاهل...بدون ادني شك..وهو أمر مثبت تاريخيا...وكذلك تستاهل جدا جدا جدا بلدنا أن نفخر بها ونتفاخر بها ونتباها بها بالقدر الذي يتباهون ببلدهم في مصر...لكنني لا اشعر ولا اسمع بهذا التفاخر عن بلدي الا في مناسبات اواجتماعات او بلقاءات اجتماعية مع اخرين في اللقاءات الكبيرة المتباعدة ...وقد تكون مقتضبة...او بصوت عادي او خافت....مش زي بتاعة مصر...اللي بتكون خارجة من القلب وبصوت عالي غيور علي الحب الكبير في قلوبهم الكبيرة...وكأنهم تعالجوا...او تم شفاؤهم...عندما يذكرون ذلك الإسم الكبيروالقريب والمحبوب عندنا ، زي قلب عمنا اللي راح وبيض بوجيهنا هناك ...ودموع...وزعيق...وتوسل الي الله ان يحفظها ويخليها للجميع واحنا نقول معاه من هنا وهناك امين... امين..طيب احنا ليش ما نابنا من الحب جانب...ليش لما رجع...ما خطب فينا وقال...سعودية ياسعودية...يااغلي بلد ياسعودية...احب ملكك يا اعز بلد..ليه..ياللي فيكي الحرمين الشريفين..والاموال الغنية...ياللي فيكي احلي واحسن شعب واحسن ابناء واحسن احفاد...و...و..من الاشياء اللي اذا تفاخرنا بيها تخللي كل واحد فينا زي..ولد الحكم..والا تسعة الحكم...ماشي انا راضي بإيكة الحكم...بس نقول نتفاخر ونفاخر ونفتخر عشان تطيب انفسنا.. ونتعافي زي اهل مصر اونضرب المثل لأولادنا ونغرس فيهم حب الوطن...مش فلوس..فلوس..خد فلوس...هات فلوس..وننسا حب البلد اللي من عظمته جات هادي الفلوس..لذلك نفسي كل واحد فيكم اول لما يصحي يقول صباح الخير يابلدي ياغالية يا احسن واغلي واجمل بلد...ويقول لما ييجي ينام تصبحي علي خير وسعادة ياغالية يابلدي ويدوم عزك ويدوم مليكك ويدوم كل شيء فيكي ..بترول...تمر...قدسية...الحرمين والمساجد..وزمزم...وكل شيء جميل يكون السبب في رسم الابتسامة علي وجهينا ...ويزيد من سعادتنا..كده كل يوم...وبلاش النظرات السوداء او التشاؤم اللي مصدرها اما مغالطات او تهويلات او اشاعات او مكابرات او الحقد اوالرغبة في الانتقام...وهادي صدقوني تصيبنا بالإحباط...وتموت الأمل في قلوبنا...الأمل سيجعلنا سعداء حتي لو عمنا حق المالية يقفل كل الحنفيات بالضبة والمفتاح...لازم واحدة منهم تشرشر...وييجي الخير زي الشلالات...ثلاثة اسباب تجعلنا نفتخر ونفخر ونتفاخر ببلدنا ...اتولدنا علي ترابها الطاهر...مشينا فوقه بالحب والفرح وبكل حرية واكلنا من خيره...و ح نندفن تحته....ولدي مليون سبب آخر...ليش ما نحبه....ليش مانفتخر حتي اخر دقيقة في حياتنا...... واحنا نقول عشتي عشتي يابلادي ياغنية...؟

الأحد، 27 يناير، 2013

Social Copy and Paste

هادا الكوبي والبيست جننا وانتشر بيننا بشكل كبير وغريب وعجيب لأنه سهل علينا حاجات كتيرة اهمها الوقت الطويل اللي كنا نستغرقه في طباعة البحوث والدراسات...وهو عملية سهله..ظلل..اضغط علي كوبي..اقفل الصفحة...روح للصفحة الجديدة..افتحها..أشر..بالماوث ( معليش عشان اللدغ يفهموني )..اضغط علي بيست...وعينك ماتشوف الا النور...دو..دو..دو..انتقلت المعلومات..وحياتك حرفية ياباشا...ياريت نقدر نلاحظ هادي العملية في حياتنا الاجتماعية...عملية صغيرة...شوف جيراننا اشتروا سيارة جديدة يابو العيال ياجوزي...طيب حاضر ان شاء الله هادي اليومين اقبض حق الانتدابات المتأخرة واشتري لكم اللي تبغوه...كده نجح الكوبي من الحيران والبيست عندنا ....مبروك ياشابه...لكن بره وبعيد لما ينجح الكوبي...ويفشل البيست .. نتيجة انا ماعندي..انتو هلكتوني..دبحتوني...ايش لكم وايشل الجيران..وبصوت عالي عشان يسمعوا الجيران...هيا انا خارج سايب لكم البيت خللي تقليدهم ينفعكم.. طيب ايش رأيكم في واحد كبير..ايش رأيك يابوالعيال ياجوزي..ماماتي..وباباتي...رايحين سويسرا بعد بكرة عشان يكملوا بقية الاجازة زحلقة عشان ما انبسطوا في الاجازة هنا ...اقصد زحلقة علي التلج...وعزموا علي اروح معاهم عشان اتزحلق انا كمان..انت عارف انا احب الاشياء هادي...ايوه عارف...انتي احب شيء يمشي في دمك هو الفلوس ...ومن بيت اصقع لبيت ارقع..تحبيه كمان ...انا ماعندي..وتبغي تروحي معاهم ...روحي بس لاتتأخري...هنا حصل الكوبي ونجح.....تعالوا نكمل علي البيست...بس هما ما عزموا علي اروح معاكي...بصراحة لأ..ليه...وايش بك تقوليها بتحفظ...ما ابغي اقولك...ليه...احسن تزعل...ليه؟....لأنهم مامتي وباباتي يقولوا انك نكدي..وهما يبغوا يتزحلقوا بدون نكد...فهمت...ايوه انا نكدي. ..ايوه انا ولد البطة السودا ..وجوز اختك التانية...ولد البطة البيضا..اللي اكيد عزموه معاهم...واكيد رايح يتفسح ويتزحلق زي الباشوات ...بلوشي...وهنا خلاص ...من المستحيل يصير توافق عشان للبيست ان يتم...خلصت الحكاية...نكمل بحكاية احلي اكتر من كده ...وهي انه في بعض المجتمعات يصير الكوبي والبيست الاجتماعي في حينه...زي حكايات القيل والقال..اللي تتم في ساعتها بدون الانتظار حتي العودة الي البيت....بالجوال...سمعت يابو العيال ياجوزي امك ايش تقول...انا قاعده عندها هنا واستنتجت انها بتخطب لك زوجة تانية .يعني ضرة...الله يهدك......لما عرفت انو باباتي...قال عليك انك نكدي ..طخ..طخ..انقطع الخط من عندها طبعا....بوم...بوم...بوم...انحرق الكمبيوتر..يبغا له فرمته...احبائي..الفرمته احسن شيء لإنجاح الكوبي والبيست الاجتماعي بس بشويش ، والله اعلم !

الجمعة، 25 يناير، 2013

فاروق صالح الخطيب: ياقمرنا يامليح...شد حصانك وأستريح...!!

فاروق صالح الخطيب: ياقمرنا يامليح...شد حصانك وأستريح...!!: من الايام الجميلة في حياة الانسان الايام التي قضاها وهو طفل يعيش برعاية والديه وحواليه اساتذته واصدقاءه واقاربه ، وهو موضع اهتمامهم وتربيته...

الاثنين، 21 يناير، 2013

ماني..ماني..أبغا..أشتري..الكورته..دحينا..!!

الذ حاجة احب اشوفها في اولادي واحفادي انهم سعداء..خاصة وهما ماشيين في الاسواق جماعات جماعات بعضهم معاهم البابا حقهم وبعضهم بدون البابا....اللي بدون..كل شيء محدود ومحسوب..وعلي قد القد..لكن اللي معاه بابته..الله يعين هادا البابه المسكين..خللي بالك من الولد..لاتطيح البنت..امسكيها طيب..بابه..انا..ابغا..طيب..بابه..من هاداكا..اللي طاير علي شكل باخرة...طيب..اللي ماسكو الهندي...طيب..بابه...بابه..الين تعبنا..وجلسنا..طبعا ناكل..ونشرب ..في منطقة المطاعم في المول..ها إيش رأيك..اوريك الكورته اللي قلت لك عليها..نروح انا وانته شوية..بس تشوفها ونرجع...خاللي الاولاد قاعدين مع ساتي..الشغالة ..تأخد بالها منهم..ياالله...الله..الله هادا فستان حلو..رائع..جميل...حلو كتير..هادا ممكن تحضري به..خمسين..ستين فرح...وبكم يقول السعر..مو غالي ..يعني هو قال..بتلاتين..لكن وعد انه يراعينا...نعم..نعم..تلاتين الف.؟؟.هو عاقل..والاماعندوعقل..ياالله ياشيخة نمشي من هنا لحسن انا دمي فار..ويخرج وهي ماتبغا تخرج..هس..هس..ياالله..ياالله..الاولاد لحالهم...وتبدأ رحلة النكد..اقصد رحلة العودة الي الاولاد في منطقة المطاعم..غمغمة..وشهيق وانا..لما..كنت..عند بابتي..ماعمروا..اهيء..اهيء..ياشيخة صلي علي النبي..ح اجيب لك احسن منه..بس لما ربنا يفرجها..خلينا بس نقبض..حق العمل الاضافي اللي اشتغلناه من قبل تسعة اشهر...ياه..هو ح يكفي مين والا ..مين..يامسكين. هي كلها اربعة بواكي...كده..صرنا مساكين..اخر الزمن..يعني كورته عجبتك اليوم..بكرة تعجبك غيرها..واجيب لك هي..ياسلام..بس ..كلام..انت ماعمرك جيبت لي شيء اتذكرك بيه..ياالله..الي هذا الحد..ايوه...ايوه..ماني....ماني..ابغا هادي الكورته..دحينا..والا اكلم بابتي..ييجي يشتري لي هي..وخليك انت قاعد تتفرج.. يا ادميه الراجل زمانه نايم..لأ..لأ..بابتي ماينام بدري زيك..بابتي راجل نشيط.. ومودرن ..مو زيك....وهكذا تتحول السهرة والفسحة الي نكد في نكد من الدرجة الاولي..هل عشان هادي الاشياء دايما نشوفهم لوحدهم ؟..هادول..وهادول علي حد سواء !! طيب وليش هادا الاصرار..الخ..انها رواسب اجتماعية سببت لنا ولبناتنا..وكمان اولادنا..الكثير من البؤس والشقاء..عشان الاصرار..ماني..ماني..ولذا ارتفعت نسبة العنوسة..بين البنات وكمان الاولاد..تصوروا ان اولادنا يعنسوا...حاجة تكسف...تعرفوا ليش..عشان الكتير من الاشياء ومن الامور...لكن يأتي في مقدمة الاشياء..الاصرار..بالكلمتين اللي يتقالوا دايما وراء بعض إما بهمهمه..او..بصوت عالي كله اعتراض...وكله غضب من احد الاطراف طبعا...ماني..ماني !!

السبت، 19 يناير، 2013

الوصفة السويدية للبطالة...وصفة عقيمة!!

من المضحك المبكي أن يتفاعل بعض الكتاب الأجانب "المحترمين" مع مشكلاتنا بنوع من عدم الاحترام او عدم التقدير...اخر ما قرأت نصيحة غبية من احدهم بأن نطبق التجربة السويدية في علاج البطالة اللي داوشينا بها اولادنا وبناتنا وسببوا لنا كثير من الاحراج بعدم قبولهم العمل..و..و.. عمنا يقول ان التجربة السويدية ملخصها ان نعطي كل من يدخل بلدنا الجنسية السعودية ويصير مواطن وخلاص ويادار ما دخلك شر..كده منتهي العباطة...كل واحد واقف في الجوازات يقول لكل من يدخل..خذ هادي الجنسية السعودية...وريحنا من شرورك...وبلاش تستر...بلاش تخلف..بلاش شحته..بلاش سرقة..بلاش نصب...بلاش احتيال..انت الان سعودي...لأنهم صاروا كثير زي الدبان...ماحنا عارفين ايش نسوي معاهم...يوم 200ريال شهريا ويوم نطاقات...وبكرة طقاقات..ودقي يامزيكا...وبرضه مافلحنا....قد كده صرنا رخاص..نوزعها الغالية العزيزة الجميلة...لكل من هب ودب...المصيبة كمان لو اعتذر الداخلين عن قبولها ...وقالوا سوري..احنا لانحتاجها...عندنا جنسيتنا...جنسيتكم مضروبة...عندكم بطالة..عندكم تستر..عندكم...عندكم...احنا ماعندنا الا شي واحد...موني..لارجا...تكر...اوبيج...هادا هو اللي عاوزينه منكم...وبعدين روحو..مطرح..ماتروحو..انتو..وهيا..كمان.صرنا رخاص..يارجاله بسببكم..ماتفضوها سيرة وتشتغلوا اصلح الله حالكم ابنوا بلدكم اللي اتولدتوا فيه....وح تندفنوا فيه..ايوجد أغلي منه ؟..هذه الوصفة السويدية عقيمة بكل المعايير والموازين والمكاييل...وهي استعمارية...تريد ان تحول بلادنا الغالية..الي مستعمرة..يعيش فيها نفس الوحشين والمتوحشين والمتخلفين والمخالفين...ولكن تحت اسم جديد...فلقد اصبحوا سعوديون...هذا الكاتب العبيط الله يهده..مالقي غير هويتنا نوزعها...طبعا...بعدها ثروتنا...بعدها ندور في شوارع نيويورك نشحت...ونقول لله يامحسنين...التجربة السويدية قضت علينا..عشان ماقدرنا نعالج البطالة حقت اولادنا الله يسامحهم..ساعتها تيجي العمة والعمات اللي في الغرب ويفرضوا علينا الوصاية..لأننا لم نستطع حل مشاكلنا..لكنهم سوف يستطيعون..تعرفوا ليش....عشان هما يعرفوا يحمروا..او يفرصعوا عيونهم....لكن احنا..لأ..لأ..لأ..وستين لأ..لأننا ناس طيبين.!

الأحد، 13 يناير، 2013

تقديم خدمات للمعتمرين...وليس بيع تأشيرات للوكالات !!

علي ما اعتقد ان شركات تقديم خدمات للمعتمرين لم تفهم انها تقدم الخدمات فقط وتحايلت علي الموضوع مش بإيرادتها ولكن غصبن عنها وعن راسها ورقبتها واللي خلفوها...لأنها لما راحت تسوق برامجها لوكلائها في الخارج ووكالات السفر والسياحة ...لم يقبل منها أحد منتوجها اللي كانت تريد تسويقه... وكلهم قالوا لها واصروا علي ان الشركة السعودية تعطيهم التاشيرات ... وتأخذ حقها ناشف...وهما يسلخوا المعتمر..ينهبوا المعتمر...يفلتوا المعتمر...يلخبطوا المعتمر..هادا من شأنهم ..لأنه مواطنهم..وهما احرار مع بعض..للأسف قبلت هادي الشركات السعودية بكده واصبحت من تجار التاشيرات..واصبحوا هما تجار شنطة...ياخدوا الجوازات ويروحو للقنصلية ..وبموجب الوكالة من الشركة السعودية ..تؤشر قنصليتنا بتأشيرة العمرة...ولما يوصلو المحروسين..شركاتنا مالها شغل..ويتبهدل المعتمر والوطن والمواطن...وكله علي كله..المهم صاحب الشركة قبض من هناك..كل شيء اعطتنا هو الدولة...لعبنا فيه يطريقة وحشه..كوميدية..واحيانا سفيهة...خذ كمان موضوع توجيه دعاوي لزيارة شركات من الخارج برضه فيها لعب...وبرضه شركاتنا تخسر..والزائرون يكسبون...اذا ما حد مصدق...روحوا تابعوا.. ياريت يروح وفد امني يتحري الموضوع هادا الموضوع بالذات ح تكتشفوا مصائب...هل هذا التساهل في خدمة المواطن ام ضرره.؟.انا اقول ضرره..!..قال للسعودي صاحب شركة العمرة..انت مالكش دعوة...انا اصدر لك صندوق من هنا وفيه معتمر...وانا اتكفل بكل شيء...قال له...ومع الحكومة هناك...قال له انا...والحكومة هنا...قال له انا...قال له طيب نقول الف ريال...قال له لا..كتيير...طيب من هنا..من هناك صارت 800 ريال علي كل صندوق بداخله معتمر زائد حفلة كبيرة عند مغادرة فوج كل عمرة ..تاني يوم جاء له زبون يبغي يعتمر من هناك بكم ياعم العمرة نفر واحد...بحوالي 6000 دولار بدون اكل..بالاكل 7500 دولار لمدة اسبوعين ..واحد في مكة واسبوع بالمدينة المنورة..وتلاتة كوبون...يعني ايه حضرتك..يعني من هنا لجدة كوبون تذكرة طيارة..ومن جدة للمدينة كوبون..ومن المدينة لهنا كوبون..اخر حلاوة واخر راحة...شوفوا قد ايه عمنا كسب...وشوفتوا قد ايه المغفل خسر..وبعدين يجوا في اجتماعات رسمية هنا عندنا يصرخوا..احنا خسرنا..احنا...احنا..بنعملها لوجه الله..ليش هادي القيود علينا ليش ندفع مخاع ليش ماتدونا دعم...دعم نظير..... البطر او نظير الغفلة..اونظير الكسل..او نظير ماذا ؟ لاادري...الله اعلم !!.... للحديث بقية .